Русија соопшти дека го добила украинскиот нацрт-меморандумот за мир

МОСКВА / ИСТАНБУЛ (AA) – Висок руски официјален претставник во неделата изјави дека Москва официјално го добила нацрт-меморандумот од Украина, кој предлага можни насоки за мирно решавање на тековниот конфликт.

Советникот на рускиот претседател Владимир Путин, Владимир Медински, кој ќе ја предводи руската делегација на мировните преговори во Истанбул денес, за „Русија денес“ изјави дека документот бил доставен на украински и англиски јазик.

„Руската делегација претходно доби верзија на меморандумот поврзан со мирно решение од Украина“, рече Медински.

Тој додаде дека јазикот на документот не претставува проблем и дека клучните точки од содржината веќе се појавиле во западните медиуми.

Медински најави дека Русија ќе го објави својот официјален став за украинското прашање денес.

Од украинска страна, претседателот на Украина изјави дека неговата влада ќе се стреми да постигне „барем мал напредок на патот кон мирот“ за време на преговорите во Истанбул, иако Украина сè уште нема добиено никаков официјален меморандум за прекин на огнот од Русија.

„Русите не го споделија нивниот ‘меморандум’ со никого. Ние го немаме, турската страна го нема, ниту пак, американската страна добила руски документ. Сепак, ќе се обидеме да постигнеме барем некаков напредок кон мирот“, истакна украинскиот претседател во неделата.