САД: Гром усмрти маратонец пред самиот крај на трката

ИНДЕПЕНДЕНС

Удар од гром го усмрти маратонецот Томас Стенли пред самиот крај на трката во американската сојузна држава Мисури, јавува Anadolu Agency (AA).

Несреќата се случи за време на трката „FlatRock“ на 50 километри, која се одржа синоќа во Илк сити стејт парк, кој се наоѓа 240 југозападно од Канзас Сити.

Организаторите соопштија дека 33-годишниот Стенли им подлегнал на последиците од ударот на громот пред самиот крај на трката.

Локалните медиуми информираа дека многу тркачи безуспешно се обидувале да го реанимираат Стенли, а директорката на трката, Керолин Робинсон, изјави дека медалот наменет за победникот ѝ е врачен на сопругата на Стенли.

Стенли беше татко на три деца и работел за непрофитната организација „Lidership Center“ во Канзас.