Судири помеѓу полицијата и поддржувачите на Трамп надвор од зградата на американскиот Конгрес

АНКАРА (АА) - Поддржувачите на американскиот претседател Доналд Трамп кои упаднаа во зградата американскиот Конгрес ја напуштаат зградата, додека надвор се случуваат судири помеѓу полицијата и демонстрантите, пренесува Агенција Анадолија (АА).

Дописникот на АА пренесе дека се случуваат судири помеѓу полицијата и група демонстранти надвор од зградата на Конгресот.

Некои членови на Конгресот, меѓу кои демократите Мондаир Џонс и Илхан Омар, по настанатите случувања упатија апел за импичмент против американскиот претседател Доналд Трамп.

Меѓу другото, американските медиуми објавија вести дека СВАТ-тимот при ФБИ влезе во Конгресот со цел да ја исчисти зградата и да ја подготви за гласање, додека видеоснимките на овој тим беа споделени на социјалните мрежи.