Франција: Прекината продажбата на списание поради наводите за Израел

ПАРИЗ (АА) - Во Франција беше прекината продажбата на детското списание бидејќи беше напишано дека „Израел не е вистинска земја“, јавува Anadolu Agency (AA).

Француските медиуми објавија дека во јануарското издание за 2018 година, во списанитео „Youpi“ наменето за деца е напишано дека „Израел не е вистинска земја“, на што реагираше челната група на сите еврејски организации во Франција (CRIF).

Издавачката куќа Бајард потоа соопшти дека продажбата е стопирана поради спорното прашање во списанието.

Паскал Руфенах, директор на издавачката куќа, рече дека во прашање е грешка и дека подетални информации за Израел ќе бидат споменати во следниот број.

„Youpi“ (Јупи) излегува од 1988 година и е едно од најпопуларните списанија за деца.