Ердоган за Хандке: „Ги повикуваме сите умни и совесни луѓе да реагираат против овој скандал"

АНКАРА (АА) - Претседателот на Турција, Реџеп Таип Ердоган, истакна дека ги повикуваат сите умни и совесни луѓе да реагираат против скандалот на доделувањето на Нобеловата награда на австрискиот книжевник Петер Хандке, јавува Агенција Анадолија (АА).

Ердган имаше свое обраќање на еден настан во турскиот главен град, Анкара, каде реагираше против доделувањето на Нобеловата награда на Хандке.

„Срамно е да се даде ваква награда на една личност која штити и фали еден убиец кој ја пролеваше крвта на десетици илјади муслимани“, рече Ердоган.

Турскиот претседател нагласи дека оваа награда само ќе ги охрабри непријателите на исламот и човештвото.

„Оние кои ни држеа лекции за демократијата и правото на црвен ќилим ги пречекаа терористите и диктаторите“, истакна Ердоган.

„Ги повикуваме сите умни и совесни луѓе да реагираат против овој скандал“, додаде Ердоган.

Овогодинашниот добитник на Нобеловата награда за книжевност, австрискиот книжевник Хандке, познат е по контроверзните ставови за случувањата на овие простори, односно по тоа што го негираше геноцидот во Сребреница и се залагаше за одбрана на Слободан Милошевиќ, поранешниот претседател на Србија и Сојузна Република Југославија и обвинет од Хаг за воени злосторства.