АНКАРА (АА)
- Мерве ОЗЛЕМ ЧАКИР
Мегапроектите во градовите низ Туркије се пуштаат во функција еден по друг. Во текот на неделата, по свеченото пуштање во употреба на браната „Јусуфели“, за сообраќај ќе бидат пуштени 70 километри од државниот Автопат „Агри - Хамур - Тутак - Патнос“, а ќе биде отворен и вијадуктот „Егиште Хадими“, кој воедно е и највисокиот и најдолгиот избалансиран конзолен мост во земјата, јавува Агенција Анадолија (АА).
Претседателот на Туркије, Реџеп Таип Ердоган, свечено ја отвори браната и хидроелектраната „Јусуфели“ (ХЕПЦ), која е изградена со инвестиција од 34 милијарди лири и ново населено место со нови поврзувачки патишта и тунели.
Браната „Јусуфели“ и хидроелектраната, чија изградба започна во 2012 година, испишаа историја како прва и петта највисока брана во Туркије во класата на двокривен бетонски свод со 275 метри.
Браната „Јусуфели“ и хидроелектраната, кои се составени од три блока од по 186 мегавати, ќе произведуваат 1,888 милиони киловат/часови енергија годишно со вкупна инсталирана моќност од 558 мегавати. Тие ќе произведуваат доволно енергија за да ги задоволат енергетските потреби на 2,5 милиони станови или 750 илјади автомобили „Тог“, а на економијата ќе ѝ обезбедат дополнителна вредност од 5 милијарди лири годишно.
На патиштата се изградени 39 тунели во должина од 56,7 километри, 19 моста и вијадукти во должина од 3.615 метри, кои се изградени во три делници со вкупна должина од 69,2 километри во рамките на браните и нови подрачја на населби.
Министерот за транспорт и инфраструктура, Адил Караисмаиоглу, најави дека в сабота ќе го отвори патот Агри - Тутак, по што ќе биде отворен вијадуктот „Егисте Хадими“ во Конија.
Со своите историски градби, уникатните природни убавини, висорамнините, лековитите води, зимскиот туристички потенцијал, планината Агри е на пат да стане сериозна туристичка дестинација. Во рамки на работата за подигнување на стандардите на патиштата во Агри, ќе се реализира проект за пренамена на делот од патот што го поврзува градот со околните центри на југ во експресен пат.
Државниот Автопат „Агри - Хамур - Тутак - Патнос“, кој е важна транзитна точка во смисла дека се наоѓа на Патот на свилата што започнува од Кина, поминува низ Киргистан, Узбекистан, Туркменистан, Иран и стигнува до Анадолија и Европа, со должина од 70 километри, исто така, официјално ќе биде отворен в сабота.
Довршувањето на преостанатата делница од 9 километри од патот, која е проектирана како експресен пат со две ленти, со вкупна должина од 79 километри, се очекува во 2023 година.
Со претворањето на патот што ја поврзува Источна Анадолија со југоистокот во експресен пат, ќе се даде значаен придонес за социоекономскиот развој на Агри, особено на земјоделството, сточарството и туризмот.
Патот, кој ќе овозможи производите добиени од сточарството, што е вообичаено во Агри и Карс, да се транспортираат во регионот на Југоисточна Анадолија за пократко и безбедно време, исто така ќе го олесни пристапот до туристичките места како што се планината Арарат и езерото Ван.
Дополнително, поради хидроенергетскиот проект што се планира да се изгради на реката Мурат, постојната делница од патот, која ќе биде потопена од браната, ќе биде поврзана со вијадукт, со што ќе се спречи нарушување на сообраќајот.
Вијадуктот „Егиште Хадими“, кој беше изграден во Конија како највисок и најдолг избалансиран конзолен мост во Туркије, исто така, ќе биде пуштен за сообраќај в сабота.
Проектиран е со вкупна должина од 1.372 метри на осум централни и два странични столба, високи меѓу 42 и 166 метри, според методот на избалансирана конзолна конструкција и ќе го опслужува сообраќајот низ вкупно четири ленти.
Со вијадуктот, наклонот од 8 проценти на делницата долга 4.400 метри ќе се намали на 2,30 проценти.
Завршувањето на проектот ќе ја зголеми удобноста при патувањето, безбедноста при возењето и стандардите на патиштата на релација Конија - Хадим - Ташкент - Аланија.
