Li Tirkiyeyê bajarê ku hejmara esnafan lê herî kêm e Batman e

Li Tirkiyeyê ji dawiya meha tebaxê pê va li gorî nifûsê bajarê ku hejmara esnafan lê herî kêm e, Batman e.

Li gorî daneyên ku nûçegihanê AAyê ji Konfederasyona Esnaf û Pîşekarên Tirkiyeyê di çarçoveya Hefteya Ahîtiyê da berhev kir, li Tirkiyeyê ji 31ê Tebaxê pê va hejmara kargehan a esnafan wek 2 milyon û 546 hezar û 938 hat diyarkirin.

Hejmara esnafan a welêt bi tevahî wek 2 milyon û 287 hezar û 3 hat qeydkirin.

Li gorî nifûsê, Burdur ji sedî 4,92yan va bû bajarê ku hejmara esnafan lê herî zêde ye. Nifûsa Burdurê 275 hezar û 826 e, lê li bajêr 13 hezar û 581 esnaf hene.

Piştî Burdurê bi rêzê va Çanakkale, Artvîn, Mugla û Nevşehir balê dikşînin.

Li gor nifûsê bajarê ku hejmara esnafan lê herî kêm e bi rêjeya ji sedî 1,14an va wekî Batman hat tesbîtkirin. Li bajarê ku 654 hezar û 528 kes lê dijîn, 7 hezar û 474 esnaf hene.

Dû Batmanê ra bi rêjeya ji sedî 1,15an va Şirnex tê. Li bajarê ku nifûsa wê 570 hezar û 826 e, 6 hezar û 559 esnaf hene.

Bajarên din ên ku rêjeya esnafan lê herî kêm e wekî Diyarbekir, Sêrt, Agirî û Bîngolê hatin hesabkirin.

- Ji sedî 2,67ê nifûsa welêt esnaf in

Di nava 85 milyon û 664 hezar û 944 nifûsa Tirkiyeyê da hejmara esnafan ji sedî 2,67 e.

Li Tirkiyeyê herî zêde esnaf bi 282 hezar û 106 kesan va li Stenbolê ne.

Dû Stenbolê bi 139 hezar û 166 esnafan va Îzmir, bi 125 hezar û 699 esnafan va Enqere tê.

Bajarê ku hejmara esnafan lê herî kêm e jî wekî Bayburt hat hesabkirin. Li vî bajarî 2 hezar û 195 esnaf hene.

Dû Bayburtê ra bi 2 hezar û 457 esnafan va Erdexan, bi 2 hezar û 642 esnafan va Tuncelî tê.