'DAEŞ hewanên ku tê da xaza xerdalê hene diavêje bajaroka me'

KERKÛK

Li Tazexûrmatûya bajaroka bajarê Kerkûka Iraqê grûbekê ji ber ku DAEŞa rêxistina terorê bi çekên kîmyewî va êrîş dike û hikûmeta navendî ya Iraqê bê deng dimîne, rêya Bexda û Kerkûkê girt.

Xepêşandêrên ku rêya Bexda û Kerkûkê ji trafîqê ra girt, ji bo ku nehêlin wesaît herin û werin barîkat danîn û agir vêxistin. Xwepêşandêran rêya bajarokê jî girt û pankart vekirin da ku hikûmet wan bibihîze, hereket bike.

Organîzatorê çalakiyê Hilmî Hemîd daxuyanî da nûçegihanê AAyê û wiha got: "DAEŞa rêxistina terorê ji gundê Beşîriyê fîşengên hewan û moşekên kaytûşayê ku tê da xaza xerdalê hene, diavêjin bajaroka me. Divê bila her kes bizanibe ku rewş cidî ye. Heke talûkeya li ser gelê me ranebe, em ê santrala ceyranê ya ku ceyran jê diçe gelek herêmên welêt jî bigrin."

Waliyê Kerkûkê Necmeddîn Kerîm duh daxuyandibû ku DAEŞa rêxistina terorê hewan avêtin bajaroka Tazexûrmatûyê û di nav hin fîşengên hewanê da madeyeke kîmyewî hat tesbîtkirin. Ji ber êrîşê bêhna gelek welatiyan çikyabû û çermê wan şewitîbû û ew rakiribûn nexweşxaneyê.