نرخی بەرمیلێک نەوتی خاوی برێنت گەیشتە ٧٦ دۆلار و ٥٢ سەنت

ئەنقەرە- AA

بەرمیلێک نەوتی برێنت لە بازاڕەکانی جیهاندا بە ٧٦ دۆلار و ٥٢ سەنت مامەڵەی پێوەدەکرێت.

دوێنێ نرخی بەرمیلێک نەوت بۆ ٧٧ دۆلار بەرزبووەوە و رۆژەکەشی بە ٧٦ دۆلار و ٨٥ سەنت تەواو کرد.

کاتژمێر ٠٩:٣٠ی بەیانی ئەمڕۆ نرخی نەوت بە رێژەی سەدا ٠،٤٢ داشکانی بەخۆوەبینی و بەرمیلێک خاوی برێنت بە ٧٦ دۆلار و ٥٢ سەنت فرۆشرایە کڕیاران.

لە هەمان کاتدا بەرمیلێک نەوتی رۆژئاوای تەکساس بە ٧٣ دۆلار و ٧٢ سەنت مامەڵەی پێوە کرا.

کاریگەرییەکانی بڵاوبوونەوەی جۆری ئۆمیكرۆنی ڤایرۆسی کۆرۆنا لەسەر ئابووری جیهان، بووەتە هۆی دابەزینی نرخی نەوت.

لە بەرامبەریشدا بەرزبوونەوەی نرخی غازی سروشتی لە وڵاتانی ئاسیا و ئەورووپا وای کردوە خواست لەسەر نەوت زیاد بکات و ئەمەش رێگرە لە دابەزینی زیاتری نرخی نەوت.

لەلایەکی دیکەشەوە دوێنێ تەقینەوەیەک لە پاڵاوگای ئێکسۆن مۆبیلی ئەمریکا روویدا کە گەورەترین پاڵاوگەی ئەو وڵاتەیە، لە ئاکامدا چوار کارمەند بریندا بوون و بەرهەمهێنانی نەوتیش لە پاڵوگەکەدا وەستا، ئەمەش بووە هۆکارێکی دیکە بۆ بەرزبوونەوەی نرخی نەوت.