ئاماری قوربانیانی تەقینەوەکەی عەزاز

لە شارۆچکەی عەزازی سەر بە حەلەب لە باکووری سووریا، ئۆتۆمبێلێکی بۆمبرێژکراو بارەگای دادگای شارۆچکەکەی کردە ئامانج ولانی کەم ٦٠ کەس گیانیان لەدەستدا و ٥٠ دیکەش برینداربوون.

بەرپرسێکی بەرگری شارستانی، ئەیاد شێخ رەزاق بۆ ئاژانسی ئانادۆڵو ئاماژەی بەوەدا کە ئۆتۆمبێلە بۆمبرێژکراوەکە لە نزیک بینای دادگای شارۆچکەکە تەقیوەتەوە و کاولکاریەکی زۆریش لە نزیک شوێنی تەقینەوەکە روویداوە. بریندارەکان گواستراونەتەوە بۆ نەخۆشخانە.

ئەبو حەسەن کە پزیشکێکی نەخۆشخانەی شارۆچکەکەیە ئاماژە بەوە دەکات لە هێرشەکەدا لانی کەم ٦٠ کەس گیانیان لەدەستداوە و ٥٠ ی تریش برینداربوون.