ئیدلب...لە پەلامارێکی رژێمی ئەسەد-دا چوار منداڵ گیانیان لەدەستدا

ئیدلب- AA

بەهۆی پەلامارێکی رێژێمی بەشار ئەسەد و گرووپە تیرۆرستییەکانی سەر بە ئێران لە گوندی کەنسافرا کە دەکەوێتە ناوچەی کەم کردنەوەی گرژییەکانی ئیدلب، چوار منداڵ کوژران.

سوپای ئەسەد کە لە گوندی بیسکەلە-ی باشووری ئیدلب نیشتەجێ بووە لەگەڵ میلیشیا ئێرانییەکان تۆپبارانی گوندی کەنسافرا-یان کرد.

بەگوێرەی ئەو زانیارییانەی لە تیمەکانی بەرگری شارستانی وەرگیراون، لە ئەنجامی پەلامارەکەدا چوار منداڵ کوژراون و دوو هاووڵاتی مەدەنی دیکەش بریندار بوون.

- رەوشی ئیدلب

لە دانوستانەکانی ئاستانادا کە لە چوار و پێنجی ئایاری ٢٠١٧ بە بەشداری تورکیا، رووسیا و ئێران بەڕێوەچوو، بڕیاردرا چوار "ناوچەی کەمکردنەی گرژیی" دروست بکرێن لە ئیدلب و ژمارەیەک ناوچەی دەورووبەری پارێزگاکانی (لازقییە، حەمما و حەلەب)، لەگەڵ باکووری پارێزگای حومس، غوتەی رۆژھەڵات و ناوچەکانی باشووری سووریا (پارێزگاکانی دەرعا و قونەیترا).

بەڵام رژێمی بەشار ئەسەد و تیرۆریستانی پشتیوانیکراو لەلایەن ئێران بە پشتیوانی هێزی ئاسمانیی رووسیا لەو چوار ناوچەیە سێیانیانی کۆنترۆڵ کرد و روویان کردە ئیدلب، دواتر لە ١٧ی ئەیلوولی ٢٠١٨دا تورکیا و رووسیا بۆ بەھێزکردنی ئاگربەستی سووریا رێککەوتنی سۆچی-یان واژوو کرد.

رووسیا و ھێزەکانی رژێم لە ئایاری ٢٠١٩دا، بۆ کۆنترۆڵکردنەوەی تەواوی ناوچەکە ئۆپەراسیۆنیان دەستپێکرد و دەستیان گرت بەسەر ژمارەیەکی زۆر شوێنی نیشتەجێبوونی ناو ناوچەی کەمکردنەی گرژییەکانی ئیدلب.

دوایین جاریش تورکیا و رووسیا لە پێنجی ئاداری ٢٠١٩دا لە مۆسکۆ رێککەوتنێکی نوێیان واژوو کرد.

ئاگربەستەکە کە لەلایەن هێزەکانی ئەسەدەوە ناو بە ناو پێشێل دەکرێت، بەشێوەیەکی بەرچاو پارێزراوە.

لە ٢٠١٧-٢٠٢٠دا نزیکەی دوو ملیۆن هاووڵاتی مەدەنی بەهۆی هێرشەکانی رووسیا و رژێمی ئەسەدەوە ناچار بوون بەرەو ناوچەکانی نزیک سنووری تورکیا کۆچ بکەن.