٥٥مین کۆبوونەوەی لیژنەی ئاسایشی لاوەکی تورکیا-ئێران بەڕێوەچوو

هەکاری - AA

لە شاری ئورمیەی ئێران، ٥٥مین کۆبوونەوەی لیژنەی ئاسایشی لاوەکی نێوان تورکیا و ئێران بەڕێوەچوو.

بەپێی بەیاننامەیەک کە لە هەژماری تۆڕی کۆمەڵایەتیی پارێزگای هەکارییدا بڵاوکراوەتەوە، باس لەوە کراوە کە کۆبوونەوەکە لە بینای پارێزگای ئورمیە لە نێوان شاندی تورکیا بە سەرۆکایەتیی پارێزگاری هەکاری و بریکاری سەرۆکی شارەوانی شارەکە، عەلی چەلیک و شاندی ئێران بە سەرۆکایەتی پارێزگاری ئورمیە، غوڵام حوسێن عەماری ئەنجامدراوە.

لەو کۆبوونەوەیەدا کە تاوتوێی بابەتەکانی وەک ئاسایشی سنوور، پەرەپێدانی بازرگانیی سەر سنوور، قاچاغچێتی و پەرەپێدانی پەیوەندییەکانی نێوان هەردوو وڵات کرا، ئەو بڕیارانەی دەرکران کرانە پرۆتۆکۆڵ.