Zana Natık Kerem
20 حوزەیران 2017•نوێکردنەوە: 21 حوزەیران 2017
مۆگادیشۆ ــ AA
سەرچاوەیەكی ئەمنی سۆماڵ رایگەیاند، كردەیەكی خۆكوژی، بارەگایەكی لە رۆژئاوای شاری مۆگادیشۆی پایتەختی سۆماڵی كردە ئامانج و بە هۆیەوە هەشت كەس كوژران.
سەرچاوەكە كە ناوی خۆی ئاشكرا نەكرد بۆ ئاژانسی ئانادۆڵو گوتی: "كەسێكی خۆكوژ بە ئۆتۆمبێلی بۆمبڕێژكراو خۆی لە ناوچەی وەدەجەر رۆژئاوای شاری مۆگادیشۆ تەقاندەوە خۆی بە بارەگایەدا تەقاندەوە كە بەرپرسانی حكوومی تیایدا كۆببوونەوە".
سەرچاوەكە ئاماژەی بەوەش دا كە بە هۆی كردەوە خۆكوژییەكەوە، هەشت كەس كوژران و ژمارەیەكی دیكەش بریندار بوون.
هاوكات بزووتنەوەی گەنجان لە سۆماڵ لەسەر یەكێك لە ماڵپەڕەكانی، بەرپرسیاریەتی خۆی لە ئەنجامی كردە خۆكوژییەكە راگەیاند و ئاماژەی بەوە داوە كە ئەوەی كردە خۆكوژییەكەی ئەنجامدا ئەندامێكی بزووتنەوەی گەنجان بوو.
