یەکەم رۆژی نەورۆز باران دەبارێت

هەولێر - AA

بەپێی کەشی پێشبینیکراوی وەزارەتی گواستنەوە و گەیاندنی ھەرێمی کوردستان، سبەی سێشەممە کە ھاوکاتە لەگەڵ یەکەم رۆژی جەژنی نەورۆز لە زۆربەی ناوچەکانی ھەرێمی کوردستان بارانبارین ھەیە.

وەزارەتی گواستنەوە و گەیاندنی ھەرێمی کوردستان سەبارەت بە پێشبینییەکانی بۆ کەشوھەوای سبەی سێشەممە، بڵاوی کردووەتەوە کە ئاسمان لەنێوان نیمچە ھەور و ھەوری تەواو دەبێت و لەکاتەکانی بەیانییدا نمە بارانی پچرپچر لە ناوچە شاخاوییەکانی رۆژھەڵاتی ھەرێم دەبارێت.

ئاماژە بەوەشکراوە کە لەکاتەکانی دوای نیوەڕۆ و ئێوارە، نمە بارانی پچرپچر لە زۆربەی ناوچەکانی ھەرێم دەبارێت کە ھەندێکجار بەشێوەی تاوە باران و بروسکە دەبێت. پاشان کاریگەری کەم دەبێتەوە لەکاتەکانی شەودا.