Северна Македонија: Во изминатото деноноќие регистрирани 214 нови случаи на Ковид-19

СКОПЈЕ (АА) - Во последните 24 часа во Република Северна Македонија регистрирани се 214 нови случаи на коронавирусот, Ковид-19, со што вкупната бројка на евидентирани случаи од почетокот на епидемијата во земјата порасна на 152.581, пренесува Агенција Анадолија (АА).

Од последици предизвикани од коронавирусот пријавени се 36 починати лицa, од кои 14 се пациенти починати во периодот од 01 до 17 април. Билансот на починати од овој вирус во земјата се искачи на 4.891.

Денеска Институтот за јавно здравје регистрира 305 оздравени пациенти од Ковид-19, додека вкупната бројка на излекувани изнесува 133.070.

Во моментот, бројот на активни случаи со Ковид-19 изнесува 14.620.

Министерството за здравство информира дека во последните 24 часа се реализирани 2.276 тестирањa за Ковид-19, а досега во земјата се направени вкупно 723.722 тестирања.