Турција: Бројот на оздравени од Ковид-19 надмина 203.000

АНКАРА

Турскиот министер за здравство, Фахретин Коџа изјави дека денес се потврдени 992 оздравени лица, при што вкупниот број на оздравени лица изнесува 203.002, јавува Агенција Анадолија (АА).

Цитирајќи ги податоците на Министерството за здравство, Коџа на Твитер напиша дека бројот на заразените се искачи на 220.572, при што во последните 24 часа се пријавени 931 нови случаи на заразување.

Бројот на починати од вирусот се искачи на 5.508, од кои денес се потврдени 17 нови жртви.

Здравствените професионални лица извршија вкупно 43.404 тестирања во текот на изминатиот ден, со што вкупниот број на направени тестирања изнесува над 4.31 милиони лица.

Откако за прв пат се појави во Кина во декември минатата година, пандемијата на Ковид-19 одзеде над 607.000 животи во 188 земји и региони.

Речиси 14,56 милиони случаи на заразување се потврдени во светот, додека над 8,19 пациенти се оздравени до сега, според податоците собрани од американскиот Универзитет „Џонс Хопкинс“.