ЧИКАГО (АА) - Бурно невреме предизвика појава на бранови во висина и до шест метри на езерото Мичиген во американската сојузна држава Индијана, јавува Anadolu Agency (AA).
Поради ваквите временски услови поплавен е и дел од патот кој граѓаните го користат за трчање. На северозападниот дел на Индијана е отежнат сообраќајот, а поволни временски прилики се очекуваат во сабота.
Поради снежните бури кои пред новогодишните празници го зафатија ова подрачје во Чикаго беше издадено предупредување од опасен ветер.
Снежната бура и ниските температури негативно влијаат на животот на жителите на североисточниот дел на САД.
Повеќе од 100.000 лица на североисточниот дел на земјата останаа без електрична енергија. Поради силното невреме откажани се повеќе од 3.000 летови. Запрени се и летовите на аеродромот „JFK" во Њујорк.
Како последица на студеното време смртно настрадаа 17 лица.
