Barış Seçkin
12 Ноември 2020•Ажурирај: 12 Ноември 2020
РИМ (АА) - Шест мигранти, од кои едно бебе, загинаа кога брод со нерегуларни мигранти во Медитеранот се раздели на половина и потона покрај Либија, пренесува Агенција Анадолија (АА).
Шпанската невладина организација „Опен Армс“, преку објава на својот профил на Твитер наведе дека организирала операција за спасување на нерегуларни мигранти на бродот на околу 30 милји од античкиот град Сабрата во Либија.
Се наведува дека 110 од мигрантите кои паднале во морето од бродот кој се поделил на половина се спасени од екипите на „Опен Армс“, додека шест мигранти, од кои едно шестмесечно бебе, загинале.
Во писмената изјава дадена од командата на италијанската крајбрежна стража во врска со инцидентот, се истакнува дека бродот со мигранти, кој бил во опасна ситуација, е забележан изутрина од патролниот авион на Европската агенција за заштита на границите (FRONTEX) и дека невладината „Oпен Армс“ започнала со операцијата за спасување во регионот.
