Земјотрес со јачина од 5,7 степени го погоди Иран

ТЕХЕРАН (АА) - Земјотрес со јачина од 5,7 степени го погоди подрачјето на Котур, што се наоѓа во иранската западна покраина Западен Азербејџан, пренесува Агенција Анадолија (АА).

Според соопштението на Сеизмолошкиот центар при Универзитетот „Техеран“, епицентарот на земјотресот, што се случи во 09:22 часот по локално време, бил во подрачјето на Котур.

Се наведува дека земјотресот со јачина од 5,7 степени се случил на длабочина од 6 километри.

Сè уште нема изјава за тоа дали има жртви и материјална штета во земјотресот.