ОН: Мора да се избегне големиот ризик од конфликт меѓу Украина и Русија

ОБЕДИНЕТИ НАЦИИ (ОН) - Обединетите нации (ОН) предупредија дека ситуацијата меѓу Украина и Русија е исклучително опасна и повикаа по секоја цена да се спречат случувањата што претставуваат голем ризик од конфликт, пренесува Агенција Анадолија (АА).

Розмари Ди Карло, заменик-генерален секретар на ОН за политички прашања, на Советот за безбедност на ОН, кој итно се состана на повик на Украина истакна дека се многу загрижени за опасните случувања во регионот.

„Часовите и деновите што претстојат ќе бидат критични. Ризикот од голем конфликт е реален и мора да се избегне по секоја цена“, рече Ди Карло.

Истакнувајќи дека се длабоко тажни поради веста дека Русија испратила војници во источна Украина под името „Мировна мисија“, Ди Карло рече дека цивилите во регионот се оштетени поради прекршувањето на примирјето.

Ди Карло​​​​​​​ повторувајќи дека се крајно загрижени за можните последици од последните случувања подвлече дека во овој момент најважно е да се одржи дијалогот меѓу страните за регионалните безбедносни прашања.