Полскиот претседател во заминување во ненајавена посета на Украина

МОСКВА (АА) - Полскиот претседател во заминување, Анджеј Дуда, денес пристигна во главниот град на Украина, Киев, во ненајавена посета, објави украинскиот министер за надворешни работи на X, известува Анадолу.

Шефот на укринската дипломатија, Андриј Сибиха, објави и фотографија на полскиот политичар, со кого се сретна на железничката станица.

Според Сибиха, подоцна во текот на денот Дуда ќе има билатерални разговори со украинскиот претседател Владимир Зеленски.

Дуда, кој според полскиот закон нема право да служи трет мандат, на 6 август ќе биде наследен од Карол Навроцки, кој победи на претседателските избори во земјата што се одржаа овој месец.