Русија: Животот во Ојмјакон, најстуденото населено место во светот

МОСКВА

Во руското село Ојмјакон во далечниот источен дел на Сибир, температурите овој месец се спуштија на минус 60 степени Целзиусови, јавува Агенција Анадолија (АА).

Во Ојмјакон, познато како најстудено населено место на Земјата, живеат околу 500 жители, кои претежно се занимаваат со сточарство и риболов.

Студеното време негативно влијае на секојдневните животни услови на луѓето во тоа место.

Ојмјакон се наоѓа во источниот дел на Сибир, на брегот на реката Индигирка и припаѓа на областа Јакутија, а се наоѓа на само три степени од поларниот круг.