Русија и Кина ќе спроведат заедничка поморска вежба од 21 до 27 декември

ИСТАНБУЛ (АА) - Русија и Кина ќе спроведат заедничка поморска вежба, наречена „Поморска интеракција-2022“, во Источнокинеското Море од 21 до 27 декември, соопшти денес руското Министерство за одбрана, пренесува Агенција Анадолија (АА).

„Главната цел на вежбата е зајакнување на поморската соработка меѓу Руската Федерација и Народна Република Кина, и одржување на мирот и стабилноста во Азиско-пацифичкиот Регион“, се вели во соопштението на руското Министерство за одбрана преку Телеграм.

Според соопштението, двете морнарици ќе извршат заедничко ракетно и артилериско гаѓање на воздушни цели, како и артилериско гаѓање кон морски цели и изведување заеднички противподморнички маневри.

„Руската морнарица на вежбата ќе биде претставена од предводникот на Тихоокеанската флота Редот на Нахимов, од гардискиот крстосувач опремен со наведувачки ракети „Варјаг“, фрегатата „Маршал Шапошников“, корветите од проектот 20380 Херој на Руската Федерација „Алдар Циденжапов“ и „Совершениј““, соопшти руското Министерство за одбрана.

Оттаму се додава дека во вежбата од кинеска страна ќе бидат вклучени и два разурнувачи, два патролни брода, интегриран брод за снабдување и подморница.

Двете земји ја одржуваат годишната воена вежба „Поморска интеракција“ од 2012 година.