Се урна рудник за злато во ДР Конго: 50 загинати

АНКАРА

Најмалку 50 лица загинаа при уривање на рудник за злато во подрачјето Камитуга, во провинцијата Јужен Киву, во Демократска Република Конго, пренесува Агенција Анадолија (АА).

Тео Нгвабије Каси, гувернерот на покраината, изјави дека во подрачјето Камитуга дошло до уривање на рудник за злато.

Гувернерот Каси информираше дека во несреќата животот го загубиле најмалку 50 лица.

Во својата изјава гувернерот наведе дека поројните дождови, што веќе една недела се активни во подрачјето, ја предизвикале несреќата, информирајќи дека е прогласена дводневна жалост.

Претседателот на Општината Камитуга, Александре Бундја, изјави дека е можно сѐ уште да има рудари под урнатините во рудникот, додавајќи дека локалното население продолжува да го дава својот придонес во спасувачките операции.