Bahtiyar Abdülkerimov
19 Април 2022•Ажурирај: 20 Април 2022
КИЕВ (АА) - Преговарачкиот процес со Русија за ставање крај на војната стана многу покомплициран по руските воени злосторства во градовите Буча, Мариупол и Волноваха, изјави Михаил Подољак, главниот украински преговарач и советник на украинскиот претседател, јавува Агенција Анадолија (АА).
Во интервју за украинскиот „Канал 24“, Подољак рече дека Украина барала Русија да отвори хуманитарен коридор од Мариупол до Бердјанск, но Москва одбила.
„Цивилизиран дијалог со Русија не е возможен“, додаде тој.
Војната меѓу Русија и Украина, која започна со рускиот напад на 24 февруари, предизвика меѓународна осуда, доведе до финансиски санкции кон Москва и поттикна заминување на светските компании од Русија.
Најмалку 2.072 цивили се убиени и 2.818 се ранети во Украина од почетокот на војната, проценуваат Обединетите нации, но се стравува дека реалните бројки се многу поголеми.
Повеќе од 4,9 милиони Украинци избегаа во други земји, а над седум милиони се внатрешно раселени, соопшти агенцијата за бегалци на ОН.
