Украина: Спасени уште 500 луѓе од Мариупол и од фабриката за челик „Азовстал“

КИЕВ (АА) - Шефот на Кабинетот на претседателот на Украина, Андриј Јермак, изјави дека уште околу 500 Украинци се спасени од Мариупол и од фабриката за челик „Азовстал“, пренесува Агенција Анадолија (АА).

Јермак на Телеграм напиша дека во тешки услови е извршена уште една акција на евакуација на луѓето од Мариупол и од „Азовстал“.

„Успеавме да спасиме околу 500 цивили“, рече тој​​​​​​​.

Тој им се заблагодари на Обединетите нации (ОН) за соработката и рече дека ќе продолжи со акциите за евакуација за да се спасат украинските цивили и војници.