Li Ercîşê ji valêzê şikbar sûsik derket

VAN

Li Ercîşa navçeya Wanê çenteyekî bêxweyî danibûn ber çayxaneyekê û li ser vê welatî tirsiyan, ji çente sûsik derket.

Hêzên ewlekariyê îxbar hildan ku çenteyekî bêxweyî yê şikbar danîne pêşiya Çayxaneya Fenerbaxçeyê û li ser vê derbasî dewsa bûyerê bûn û tevdîrên ewlehiyê sitandin û aliyekî kolanê ji çûyîn û hatinê ra girtin.

Piştî ku Midûrê Ewlekariya Ercîşê Murad Hoş li dewsa bûyerê lêkolîn kir ji Midûriyeta Ewlekariya Wanê gazî pisporên îmhekirina teqemiyê kirin.

Pispor hatin navçeyê lêkolîn kirin û paşê çente bi funyeyê teqandin û ji çente sûsik derket.

Ji ber mezinahiya teqînê camên dikaneke li herêmê hatin xwarê.