تورکیا بە خۆشحاڵییەوە پێشوازی لە ئاگربەستی نێوان ئیسرائیل و لوبنان کرد

ئەنقەرە - AA

وەزارەتی دەرەوەی تورکیا ڕایگەیاند: "بە خۆشحاڵییەوە پێشوازی لە بە ئەرێنیی جێبەجێکردنی ڕێککەوتنی ئاگربەست دەکەین لە لوبنان و، هیوادارین ئاگربەستەکە درێژخایەن بێت".

سەبارەت بە ڕێککەوتنی ئاگربەست لە نێوان ئیسرائیل و لوبناندا، وەزارەتی دەرەوەی تورکیا ڕاگەیاندراوێکی بڵاوکردەوە.

لە ڕاگەیاندراوەکەدا هاتووە: "بە خۆشحاڵییەوە پێشوازی لە بە ئەرێنیی جێبەجێکردنی ڕێککەوتنی ئاگربەست دەکەین لە لوبنان و، هیوادارین ئاگربەستەکە درێژخایەن بێت. پێویستە کۆمەڵگەی نێودەوڵەتیی گوشار لە ئیسرائیل بکات بۆ ئەوەی تەواو پابەندی ئاگربەستەکە بێت و قەرەبووی ئەو زیانە بکاتەوە کە بە لوبنانی گەیاندووە".

هەروەها لە ڕاگەیاندراوەکەدا ئاماژە بەوە کراوە کە تورکیا ئامادەی پێشکەش کردنی پشتیوانی پێویستە بۆ بنیاتنانی ئاشتیی ناوخۆیی لە لوبنان و، هاتووە: "بەم بۆنەیەوە دەمانەوێت ئەوە وەبیربهێنینەوە کە پێویستە لە پێناو دەستەبەرکردنی ئاشتیی و سەقامگیریی لە ناوچەکەدا هەرچی زووە ئاگربەستێکی درێژخایەن و گشتگیر لە غەززە ڕابگەیەندرێت و ئیسرائیل کۆتایی بە سیاسەتی شەڕانگێزی بهێنێت".