Турција: Пресуда во случајот за структурирањето на ФЕТО во КОСГЕБ

АНКАРА (АА) - Објавена е пресуда за 37 осомничени во судскиот случај во врска со структурирањето на терористичката организација ФЕТО во Дирекцијата за развој и поддршка на мали и средни претпријатија на Турција (КОСГЕБ), пренесува Anadolu Agency (AA).

Рочиштето се одржа во Судот за тешки кривични дела во Анкара, каде што судијата Сабахадин Саридоган ја објави пресудата за овие осомничени, меѓу кои се наоѓаат и високи челници на КОСГЕБ.

Поранешниот претседател на КОСГЕБ, Мустафа Каплан, кој е осомничен во случајот, доби затворска казна од 8 години и 9 месеци поради неговото членство во ФЕТО.

Осомничените Абдула Ташкин, Али Васфи Ескиџиоглу, Биркан Арслан, Ерџумент Озтурк, Ердал Челик, Хаџи Јусуф Јалманџи, Хаки Ѓузел, Хусеин Тујсуз, Мустафа Коџа, Несибе Генч, Сехер Јилмаз, Салахадин Каја и Јусуф Искендер добија затворска казна од по 7 години и 6 месеци за истото кривично дело.

Исто така, осомничените Ајхан Чарлиоглу, Мехмед Тезјетиш, Метин Шатир, Ногај Надир Коч, Нургул Каплан и Селма Тезјетиш добија казна затвор од по 6 години и 3 месеци.

Од друга страна, 17 од вкупните осомничени се пуштени на слобода.